Vjen revolucioni i taksive – Çfarë do të ndryshojë

Të gjithë shoferët e taksive duhet të kenë POS dhe të pranojnë karta krediti dhe debiti. Nuk do të ketë më taksi që ofrojnë shërbimin vetëm me para ‘cash’, gjithashtu do të duhet të ndryshohen edhe përmasat e automjetit në të mesme të madhe (kapaciteti i ndarjes së bagazheve do të jetë vendimtar), bën me dije qeveria italiane. Ajo përpiluar sanksione të rënda për ata që nuk respektojnë rregullat e reja.

Do të ketë më shumë taksi në shërbim në periudhat e veçanta të vitit si në sezonin e pushimeve apo ngjarjeve specifike, kur ‘makinat e bardha’ (taksitë italiane) janë të pamjaftueshme: për të marrë këtë rezultat, do të përdoret formula e guidës së dyfishtë. Në praktikë, mbajtësi i licencës së taksive pasi ka përfunduar turnin e tij mund të vazhdojë shërbimin duke ja lënë makinën një punonjësi tjetër të nën kontraktuar nga ai, i cili nuk duhet domosdoshmërish të jetë anëtar i familjes.

Këto janë disa nga risitë e pranishme në ndryshimet e rregullores së taksive që do të diskutohen me sindikatat javën e ardhshme, për të vazhduar më tej procesin në Komision dhe në Këshillin Bashkiak. Sipas këshilltares së Transportit, Linda Meleo, drita e gjelbër parashikohet të mbërrijë në vjeshtë. Paralelisht vazhdon procesi i tenderëve për 100 licenca të reja (me një kuotë të rezervuar për ata që do të kenë makina që mund të transportojnë personat me aftësi të kufizuara).

Lëshimi i njëqind licencave të reja, edhe pse flitet për shifra ende të ulëta, do të vazhdojë të kontribuojë në rinovimin e kategorisë. Alessandro Genovese, nga Ugl Taxi, komenton: “Ne shpresojmë për një miratim të shpejtë dhe më pas t’i rikthehemi çështjes së rregullimit të tarifave e cila qëndron pezul prej 10 vjetësh”. Por ajo e tarifave është një histori e tërë që do të gjente shumë rezistencë nga një pjesë e madhe e romakëve. (Ilmessaggero)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.