Von der Leyen thirrje për reciprocitet në eksportet e vaksinave – ‘Të sigurt në vaksinimin e 70% të BE-së deri në fund të verës’
Presidentja e Komisionit Evropian Ursula von der Leyen bëri thirrje për një hapje dhe reciprocitet më të madh në eksportet e vaksinave, duke folur në një intervistë në gazetë në lidhje me një mosmarrëveshje të vazhdueshme me Britaninë dhe Shtetet e Bashkuara rreth shpërndarjeve të vaksinave.
“Unë kërkoj një hapje më të madhe pasi Evropa është midis rajoneve në botë që eksporton më shumë, por është e nevojshme reciprociteti,” i tha ajo të përditshmes italiane La Repubblica.
Ajo shtoi se Bashkimi Evropian ishte në kontakt me Mbretërinë e Bashkuar për eksportet e vaksinave por nuk pranoi të jepte detaje të bisedimeve të saj me Kryeministrin Britanik Boris Johnson.
Von der Leyen tha se çështja e reciprocitetit dhe mekanizmi i kërkuar do të diskutohet me vendet e tjera evropiane në një takim të ardhshëm.
Presidentja e BE gjithashtu tha se ishte “jashtëzakonisht e sigurt” se qëllimi i Evropës për të vaksinuar 70% të popullsisë së saj të rritur deri në fund të verës do të arrihej pavarësisht pezullimeve dhe vonesave të fundit të vaksinës AstraZeneca pas raporteve të mpiksjes së gjakut te njerëzit që kishin marrë dozën.
Ajo shtoi se vaksina Sputnik e Rusisë ishte ende nën shqyrtim dhe se nuk kishte ende asnjë provë të kapacitetit prodhues të vaksinës, një detaj i kërkuar për aprovim nga rregullatori i ilaçeve EMA në Evropë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.