1.49 miliardë dollarë për Ukrainën – Banka Botërore miraton paketën e re të ndihmave financiare

Bordi ekzekutiv i bankës botërore miratoi një fond prej 1.49 miliard dollarësh ndihmë për Ukrainën. Paratë do të shërbejnë për të paguar qeverinë dhe nëpunësit socialë. Shuma totale e ndihmës financiare që ka dhënë deri tani Banka botërore për Kievin është 4 miliard dollarë

Në një deklaratë për mediat banka botërore u shpreh se fondi i fundit është mundësuar nga financime prej Britanisë së Madhe, Holandës, Lituanisë dhe Letonisë. Por mbështetet gjithashtu dhe nga Italia si dhe nga një fond i ri mirëbesimi nga donatorë të shumtë.

Ukraina deklaron se ka nevojë për 5 miliard dollarë në muaj në mënyrë që qeveria të vijojë të funksionojë përballë pushtimit të Rusisë; në një kohë që lufta ka shkaktuar mbylljen e sektorëve të ndryshëm të ekonomisë së vendit.

Liderët e financës nga Grupi i Shtatë demokracive industriale, muajin e kaluar premtuan 9.5 miliardë dollarë fonde të reja, duke e çuar mbështetjen e tyre totale joushtarake në afro 20 miliardë dollarë.

Banka Botërore po bashkëpunon me vende donatore për të përdorur programe të ndryshme financimi në mbështetje të kujdesit shëndetësor, edukimit, shërbimeve sociale, energjisë elektrike, furnizimit me ujë të pijshëm dhe mirëmbajtjes së infrastrukturës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.