10 të vërteta që duhet të mësoni përpara se të bëheni sipërmarrës

Kur jeni në shkollë, gjithçka duket e rëndësishme. Shumica prej jush punojnë për të marrë një diplomë, dhe bëjnë çdo përpjekje për të hyrë në botën ‘’e vërtetë’’ ku më në fund mund të bëhen të suksesshëm, të lumtur dhe të lirë financiarisht.

Por sapo të diplomojmë të hyjmë në botën punëtore, ata do të kuptojnë se gjërat nuk janë gjithmonë ashtu siç duken sidomos nëse drejtoni biznesin tuaj.

Entrepreneur tregon 10 të vërteta të cilat do të mësoni pasi të drejtoni biznesin tuaj. Nëse sapo jeni diplomuar e dëshironi të krijoni diçka tuajën do të ishte mirë t’i hidhnit një sy këtyre mësimeve e këshillave.

Njerëzit të cilët i admironi nuk i kanë kuptuar të gjitha, dhe kjo është në rregull.

Ndoshta mendoni se kur të diplomoheni apo kur të filloni  kompaninë tuaj dhe të fitoni para duke bërë atë që doni, ju do të keni qartësi dhe fokus të menjëhershëm.

Ju shihni të tjerët dhe mendoni se ata i kanë kuptuar të gjitha. Ata duken të suksesshëm, kanë postime të përsosura në media sociale, por në botën e vërtetë, ju ende po i kuptoni gjërat.

Në të 20tat, 30tat, 40tat, 50tat madje edhe të 60tat tuaja, gjërat ende zhvillohen dhe bien në vendin e tyre. Jeta është një evolucion i ndryshimeve.

Ju mund të ndryshoni veten dhe mendjen tuaj në çdo kohë, dhe kjo është në rregull. Të mësuarit se kush jeni është një rrugëtim gjatë gjithë jetës dhe një aventurë radikale.

Sa më shumë kohë kalon, aq më e vështirë është të ndryshoni

Kur jemi të rinj, ne nuk iu kushtojmë vëmendje shprehive tona dhe ndryshojmë shpejtë kur të dëshirojmë.

Përderisa kalojnë vitet, truri juaj mësohet me shprehitë dhe është më e vështirë t’i ndryshoni ato. Ju vendoseni në mënyrat tuaja. Bëhuni të sinqertë me veten.

Nëse ka ndonjë shprehi të cilën dëshironi ta ndryshoni, nuk është kurrë vonë, por tregohuni të durueshëm me veten për shkak se ndryshimet janë më të vështira kur bëheni më të vjetër.

Falja, mjeti më i rëndësishëm për të qenë të suksesshëm

Kur punoni për veten, ju e kuptoni se sa të rëndësishme janë të gjitha marrëdhëniet. Lidhjet e prishura do të qëndrojnë me ju përgjithmonë, dhe ju shpejtë mësoni se falja është mjeti më i rëndësishëm i suksesit. Kë mund ta falni sot?

Ajo çka besoni nuk është aq të rëndësishme sa është sjellja juaj

Besimet dhe vlerat tuaja janë të rëndësishme për ju, por mënyra se si veproni dhe flisni me të tjerët për atë që besoni është më e rëndësishme se vetë besimi.

Trajtojini të tjerët me mirësi dhe respekt pavarësisht sa ndryshe janë pikëpamjet e tyre. Kontrasti mund të sjellë qartësi.

Sa më shumë që besoni në vete, aq më pak keni nevojë që të tjerët t’ju besojnë

Ju nuk keni nevojë të mbështeteni tek të tjerët. Kur keni një ëndërr ose një qëllim, gjëja më e rëndësishme është të besoni në vete.

Njerëzit do ju thonë se nuk mund të bëhet, por kur ju lidheni me ëndrrat tuaja, bëheni të pandalshëm.

Pothuajse gjithçka është e thjeshtë, por pothuajse asgjë nuk është e lehtë

Përderisa filloni të rrisni biznesin tuaj, ju filloni të mësoni se gjithçka është e thjeshtë. Ju kuptoni se nuk keni nevojë të punoni dhe të brengoseni shumë, dhe se gjërat bien vendin e tyre. Mirëpo, mësimi i kësaj dhe pranimi i të vërtetës nuk është asnjëherë i lehtë.

Njerëzit dhe situatat në të kaluarën tuaj nuk ishin asnjëherë të rastësishme

Ju shpejtë mësoni se gjithçka është e lidhur. Në vend se të shikoni jetën tuaj si një përvojë të rastit, filloni të shihni se jeta nuk po ju ndodh juve por po ndodh për ju.

Ndonjëherë të mos fitosh është bekim i madh

Gjithçka është pjesë e një plani më të madh. Ju shpejtë mësoni se refuzimi është mbrojtje.

Gjithçka funksionon ashtu siç duhet

Sapo të hyni në ritmin e drejtimit të kompanisë tuaj, ju mund të kuptoni se ju gjithmonë po ndryshoni, po rriteni dhe po bëheni ai që dëshironi të jeni. Shumë prej nesh shpesh stresohemi për gjërat të cilat janë jashtë kontrollit tonë. Përderisa vendoseni, ju mësoni se gjërat për të cilat jeni brengosur gjithmonë kanë funksionuar mirë. Në jetë, gjërat gjithmonë dalin ashtu siç duhet, pra nuk keni nevojë të brengoseni.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.