2,000 më të pasurit në botë zotërojnë pasuri sa 4.6 miliardë njerëz

Miliarderët e botës kanë më shumë pasuri se 4.6 miliardë njerëz dhe 1% e më të pasurve në glob zotërojnë më shumë sesa dyfishin e pasurisë së 6.9 miliardë njerëzve.

Këto janë shifrat e fundit mbi pabarazinë globale nga një raport i lëshuar të hënën përpara një takimi vjetor të elitave globale në vendpushimin malor të Davos-Klosters, në Zvicër.

Ndërsa të paktën disa prej 2,153 miliarderëve do të ‘fërkojnë hundët’ në Forumin Ekonomik Botëror këtë javë, të tjerët do të punojnë për të komunikuar një mesazh tjetër: bashkëpunimin e elitës globale për pabarazinë e pasurisë.

Raporti i organizatës ndërkombëtare të ndihmës Oxfam thotë se numri i miliarderëve është dyfishuar gjatë dekadës së fundit.

“Ekonomitë tona të prishura po rreshtojnë xhepat e miliarderëve dhe biznesit të madh në kurriz të burrave dhe grave të zakonshëm. Nuk është çudi madje që njerëzit kanë filluar të pyesin nëse miliarderët duhet të ekzistojnë ose jo,” tha Amitabh Behar, CEO i Oxfam India i cili do të jetë i pranishëm në Davos.

“Pabarazia është në zemër të frakturave dhe konflikteve sociale në të gjithë botën, dhe askush nuk mashtrohet”, tha Pauline Leclère, specialiste senior e Oxfam France për drejtësinë e taksave dhe pabarazitë. “Pabarazia nuk është fati i dikujt. Është rezultat i politikës sociale dhe fiskale që zvogëlon pjesëmarrjen e të pasurve përmes taksave dhe dobëson fondet për shërbimet publike.” Leclère tha se ky është mesazhi që Oxfam do të përpiqet të japë në Davos.

Organizata jofitimprurëse ka lëshuar një raport vjetor përpara takimit të famshëm ekonomik për të adresuar pabarazinë në rritje që nga viti 2014. (euronews)

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.