A e dini se kur është vendosur gjoba e parë për tejkalim shpejtësie në histori?! Shoferi e kishte ‘këmbën e rëndë’, ecte me 13 km/orë

Me 28 janar të vitit 1896 është vendosur gjoba e parë në histori. Walter Arnold nga Mbretëria e Bashkuar u kap ndërsa ecte me shpejtësinë 13 kilometra në orë në një zonë ku maksimumi i shpejtësisë që lejohej ishte 3 kilometra në orë.

Automobilisti i parë i gjobitur e kishte “këmbën shumë të rëndë” dhe e kishte shkelur me 10 kilometra mbi limitin e shpejtësisë!

Në ditët e sotme kjo mund të na bëjë për të qeshur por në ato vite limiti i shpejtësisë në rrugët më të mira ishte 6 kilometra në orë.

Dhe nuk është vetëm kjo që mund të na bëjë për të qeshur;  Arnold u bllokua nga një polic që e ndoqi me biçikletë…

Burimi: Autoblog/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.