Analistët: Furnizimet alternative nuk do të jenë në gjendje të zëvendësojnë plotësisht naftën ruse!

Ndërsa ka alternativa ndaj naftës ruse, ato do të ishin të pamjaftueshme ose të vështira logjistikisht nëse SHBA-ja dhe aleatët e saj do të ndalonin importet ruse të energjisë, thanë analistët të martën.

Lufta e Rusisë në Ukrainë nuk tregon asnjë shenjë zbutjeje ndërsa SHBA dhe aleatët e saj peshojnë ndalimin e importeve të naftës dhe gazit natyror rus. Çmimet e naftës u rritën në nivele më të larta që nuk ishin parë që nga viti 2008, megjithëse më vonë i zvogëluan këto fitime. Kishte gjithashtu shqetësime se Rusia mund të hakmerrej duke shkurtuar furnizimet me gaz natyror në Europë.

Për të qenë të sigurt, disa kapacitete ruse mund të zëvendësohen. Rusia eksporton rreth 5 milionë fuçi naftë bruto në ditë, sipas Agjencisë Ndërkombëtare të Energjisë. Nga kjo, rreth 2 milionë mund të zëvendësohen nëse anëtarët e OPEC-ut, Arabia Saudite, Iraku, Kuvajti dhe Emiratet e Bashkuara Arabe “do të ishin në gjendje të shtriheshin njëkohësisht në kapacitetin e tyre maksimal”.

Megjithatë, shumë nga kapacitetet rezervë brenda OPEC-ut dhe aleatëve të tij, të njohur si OPEC+, janë gjithashtu ruse.

Problemi është se OPEC + do të duhet të “rihapë” sistemin e tij të kuotave të prodhimit dhe “thjesht nuk duket i prirur të bëjë diçka të tillë ende,” tha ajo. Çdo ulje ose rritje e prodhimit të vendeve të OPEC+ matet me bazën – sa më i lartë ky numër, aq më shumë naftë lejohet të nxjerrë një vend.

Regina Mayor, udhëheqësi i sektorit kombëtar të energjisë dhe burimeve natyrore të KPMG-së në SHBA, shtoi gjithashtu se OPEC + ka qenë “tepër i disiplinuar rreth mënyrës se si ata e kthejnë naftën e papërpunuar në treg”. Diku tjetër, SHBA thuhet se ishte gjithashtu në diskutime me Venezuelën për të hequr sanksionet ndaj naftës së saj, pasi ajo ka burime për alternativa ndaj Rusisë.

Por edhe nëse këto sanksione do të hiqen, Hari tha se kjo do të çlironte vetëm 100,000 fuçi të tjera në ditë nga Venezuela – “sigurisht asgjë që do të ishte edhe afër kompensimit të ndërprerjes në furnizimet ruse”. Rusia është prodhuesi i tretë më i madh i naftës në botë pas SHBA-së dhe Arabisë Saudite. Është gjithashtu eksportuesi më i madh i naftës së papërpunuar në tregjet globale dhe furnizuesi kryesor i gazit natyror në Bashkimin Evropian, rreth 43%.

Javën e kaluar, shefi i energjisë i Evropës tha se BE ka një plan emergjence në rast se Rusia ndërpret furnizimin me gaz në bllok. BE-ja ka folur vazhdimisht për nevojën për të diversifikuar furnizuesit e saj, por kjo nuk është materializuar. Tani, mes një lufte në Ukrainë në krahun e saj lindor, Komisioni Evropian, krahu ekzekutiv i BE-së, ka thënë se dëshiron t’i japë fund përfundimisht kësaj varësie nga Rusia. CNBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.