Apple krijon fondin 300 milionë dollarë për energjinë e pastër në Kinë
Gjigandi i teknologjisë, Apple, po zgjeron përpjekjet e tij mjedisor duke shpallur krijimin e një fondi prej 300 milionë dollarësh për të promovuar energjinë e pastër në Kinë.
Prodhuesi i iPhone synon të rrisë pjesën që energjia e rinovueshme zë në zinxhirin e funrizimit të tij, i cili është i shpërndarë në disa rajone të Kinës. Në fond do të kontribuojnë edhe 10 furnizuesit dhe partnerët prodhues të kompanisë përgjatë katër viteve të ardhshme.
Paratë do të arrijnë të zhvillojnë projekte të energjisë së rinovueshme në Kinë që e tejkalojnë një kapacitet prej 1 gigaëatt. Më herët në vitin 2020, Apple i kishte vendosur synim vetes që të përdorte energji të pastër në zinxhirin e saj furnizues dhe të prodhimit, duke shpresuar të krijonte 4 GË energji të rinovueshme në botë deri në vitin 2020.
Aktualisht, Apple përdor energji të pastër në 100% të fabrikave të tij në të gjithë botën. Më herët gjatë vitit, kompania amerikane ndihmoi edhe furnizuesit e aluminit Alcoa Corp. Dhe Rio Tinto Aluminuim të zhvillojnë një teknologji të re, e cila eliminon lëshimet e gazrave serë gjatë prodhimit. Kjo teknologji pritet të jetë gati brenda vitit 2024.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.