Argjentina, në vështirësi nga COVID-19 – Nisin masat e rrepta shtrënguese, ndërsa vaksinimi po vijon me ritme të ngadalta

Argjentina po përballet me një rritje të rasteve të reja COVID-19, ndërsa ekonomia e brishtë e vendit shtrëngohet nën peshën e masave të reja të bllokimit që po vështirëson jetesën e qytetarëve. Javën e kaluar, qeveria njoftoi masa të rrepta kufizuese deri në 31 maj. Ato përfshijnë mbylljen e shkollavedhe tregtisë jo-thelbësore dhe ndalimin e eventeve sociale, fetare dhe sportive në kombin me 45 milionë banorë.

Qytetarët që nuk klasifikohen si punëtorë thelbësorë do të lejohen të lëvizin pranë shtëpive të tyre midis orës 6 të mëngjesit dhe 6 të mbrëmjes, ndërsa kategoritë e tjera duhet të qëndrojnë në shtëpi. Ndërsa kapaciteti i shtrateve në spitale është rritur, zyrtarët shëndetësorë paralajmërojnë mungesa të punonjësve shëndetësorë që do të ndikojnë në trajtimin e pacientëve në fazat kritike të COVID-19.

Kufizimet vijnë ndërsa qeveria kërkon të përshpejtojë një fushatë vaksinimi që ka ndërprerë planet e saj fillestare ambicioze. Deri më tani, vetëm rreth 5% e popullsisë është vaksinuar plotësisht.

Argjentina regjistroi mbi 40,000 raste të reja COVID-19 së fundmi. Infeksionet totale janë rreth 3.6 milionë, gjë që e vë vendin përpara Brazilit të goditur rëndë nga koronavirusi, ndërkohë që janë numëruar më shumë se 76,000 vdekje të raportuara.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.