Artikulli i IlSole24Ore: Si markat ndërkombëtare të luksit po prodhohen nga shqiptarët dhe kinezët

Media e njohur italiane ‘Ilsole24ore’ gjatë investigimit të produkteve ‘Made in Italy’, zbuloi kapanone të tëra të mbushura më punëtorë kinezë, rumun e shqiptarë.

Kontrolli u krye në zonën e Toskanës, ku mesa duket dora artizanale vendase është zëvendësuar tërësisht nga shtetas të huaj të cilët punojnë në kushte të mjeruara për të realizuar produkte luksi të markave më të njohura ndërkombëtare.

Sipas gazetës, Made in Italy ekziston ende por është e realizuar pothuajse ekskluzivisht nga duar aziatike dhe jo vetëm. Në statistikat e publikuara, rezulton që numrin më të madh të punëtorëve nëpër këto kapanone e zëne kinezët, shqiptarët dhe rumunët.

Gjatë kontrollit u konstatuan shkelje të shumta të ligjeve të punës, shëndetit dhe emigracionit. Firmat e njohura si Prada, Burberry dhe Tivoli ndërmorën menjëherë masa pasi ky lajm u bë publik.

Artikulli i plotë tek: https://www.ilsole24ore.com/art/notizie/2019-05-08/capannoni-incubo-firenze-made-italy-e-fatto-mani-cinesi-115530.shtml?uuid=ACRL6J

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.