“Banka e djathit” në Itali- Mban 170 mijë forma të “Parmigianos”, është antisizmike dhe me eficencë energjetike

Një strukturë e madhe prej 8500 metrash katrorë, mes jeshiles së hapur të lëndinave përreth dhe  jeshiles së errët të pyjeve që e rrethojnë, ku robotët lëvizin 135 mijë “lingota” qumështi, që pushojnë në freski e heshtje, larg zhurmave që kanë krijuar tarifat e Trump për Europën.

Bëhet fjalë për magazinën e parë dhe më të madhe në Itali, më shumë se 600 metra mbi nivelin e detit në zonën e Modenas  që ruan djathin e famshëm italian “Parmigiano reggiano”.

I ndërtuar në zemrën e apeninit modenez, stabilimenti ka kushtuar më shumë se 13 milionë euro.

Në këtë mënyrë sigurohet jo vetëm mbajtja e standarteve të vendosura për prodhimin e këtij lloji djathi të veçantë por edhe forcohet mbështetja për ata që jetojnë dhe punojnë në zonat malore mes Parmës, Reggio Emilias, Modenas e Bolonjës. Në harkun e një viti, janë prodhuar 135 mijë forma të Parmigianos që janë në konservim.

Magazina është antisizmike dhe me efiçencë të lartë energjetike dhe është plotësisht e informatizuar dhe e kontrolluar me telekomandë për të mundësuar monitorimin e vazhdueshëm të temperaturave dhe të lagështirës. 13 persona e ndajnë punën mes tyre dhe makinerive të specializuara për të mirëmbajtur “bankën e djathit”.

Marrë me shkurtime nga Ilsole24ore

Përshtati në shqip:SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.