BE, ende pa vaksinat ruse dhe kineze, ministri francez: “Nëse nuk miratohen, përdorimi i tyre do të përbënte rrezik për unitetin e bllokut”

Një nga ministrat e kabinetit francez u kërkoi vendeve të BE të mos përdorin vaksinat ruse ose kineze ndaj COVID-19 nëse ato nuk miratohen nga Agjencia Europiane e Barnave, duke paralajmëruar një rrezik për unitetin e bllokut dhe shëndetin publik.

Pas një fillimi të përshtatshëm të fushatës së vaksinimit të Bashkimit Evropian, disa vende anëtare në Evropën Qendrore tashmë kanë blerë ose po konsiderojnë të blejnë vaksina ruse ose kineze.

I pyetur nëse secili shtet anëtar i BE po bënte thjesht “atë që dëshironte vetë”, Ministri i Çështjeve Evropiane Clement Beaune u shpreh se nëse zgjedhja e tyre do të ishte vaksina kineze ose ruse, atëherë kjo cështje do të ishte mjaft serioze. “Do të përbënte një problem në kuptimin e solidaritetit tonë dhe do të paraqiste një problem të rrezikut shëndetësor, sepse vaksina ruse nuk është akoma e autorizuar në Evropë,” u shpreh ai.

BE-ja deri më tani është marrë me prokurimin e vaksinave në mënyrë qendrore, përmes Komisionit Ekzekutiv Evropian, por Sputnik V është aprovuar ose po vlerësohet për miratim në Hungari, Sllovaki dhe Republikën Çeke.

Hungaria tashmë ka filluar procesin e vaksinimit  të njerëzve me Sinopharm dhe Sputnik V, dhe Polonia ka diskutuar ndërkohë blerjen e vaksinës kineze.

Agjencia Europiane e Barnave u shpreh se kishte filluar një rishikim të vaksinës Sputnik V të Rusisë. Por edhe nëse miratohet, nuk ka asnjë detyrim që Komisioni Evropian ta përfshijë atë në portofolin tonë.

Evropa deri më tani ka aprovuar vaksinat nga Pfizer / BioNTech , Moderna dhe AstraZeneca, ndërsa rishikimet e vazhdueshme për CureVac  dhe Novavax’s janë duke u zhvilluar.

Ndërkaq pritet të jepet verdikti për vaksinën me një dozë të  J & J më 11 mars.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.