Musk humb 27 mld USD brenda javës. Ndikon rënia e aksioneve të Tesla dhe luhatja e Bitcoin

Gjatë vitit të kaluar Elon Musk vendosi rekorde duke rritur pasurinë me hapin më të shpejtë në histori. Por, e kundërta po ndodh gjatë këtij viti. Shefi Ekzekutiv i Tesla Inc. ka humbur 27 miliardë dollarë që nga e hëna për shkak të rënies së aksioneve të kompanisë së prodhimit të automjeteve elektrike. Megjithatë, pasuria e tij neto prej 156.9 miliardë dollarë vijon të jetë në vendin e dytë sipas Indeksit të Miliarderëve të Bloomberg, por tashmë është rreth 20 miliardë dollarë prapa Jeff Bezos. Aksionet e Tesla u rritën me 743% në vitin 2020, duke rritur ndjeshëm vlerën e pronësisë të Musk.

Fitimet u përshpejtuan edhe në fillim të këtij viti dhe kjo bëri që Elon Musk të kalonte Bezos, si personi më i pasur në botë. Fitimet e vazhdueshme tremujore fitorja e Joe Biden në zgjedhjet presidenciale dhe programi i tij për energji të pastër dhe teknologji mbështetën më tej rritjen e aksioneve të Tesla. Gjithashtu, edhe luhatjet e shumta në tregun e kriptomonedhave kanë lëkundur pasurinë e Musk. Muajin e kaluar, Tesla njoftoi se kishte investuar 1.5 miliardë dollarë në Bitcoin dhe shumë shpejt do të pranojë edhe pagesa të këtë kriptovalutë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.