Biden, zyrtarisht kandidat! Demokratë e republikanë i japin mbështetjen për të “rrëzuar” Donald Trump

Demokratët kanë nominuar formalisht Joe Biden si kandidatin e tyre për zgjedhjet e ardhshme presidenciale në Shtetet e Bashkuara të Amerikës, që do të mbahen në muajin nëntor të këtij viti. Sipas tyre, zgjedhja e Biden në krye të Shtëpisë së Bardhë do të ndreqë vendin e dëmtuar rëndë nga pandemia si dhe do të japë fund kaosit të krijuar nga administrata Trump.

Formalizimi i Biden si kandidatura e demokratëve u bë gjatë mbrëmjes së dytë të konventës së demokratëve ku folën edhe ish presidentët Bill Clinton dhe Jimmy Carter.

Në natën e parë fjalimi i Michele Obama bëri jehonë të madhe. Konventa e demokratëve po zhvillohet nën moton: Lidershipi ka rëndësi. Të pranishëm në konventën e demokratëve ishin edhe republikanë me peshë.

Konventra 4-ditore do të mbahet kryesisht online si pasojë e situatës së krijuar nga koronavirusi i ri. “Faleminderit shumë, nga thellësia e zemrës time. Kjo do të thotë gjithçka për mua dhe familjen timje”, tha Biden, 3 dekada pas dështimit të përpjekjes së tij të parë për të garuar për Shtëpinë e Bardhë. Biden do të japë fjalimin përmbyllës të konventës ditën e Enjte.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.