Obsh, thirrje për vaksinën: “Duhet të ndalojmë nacionalizimin e saj. Vaksina të jetë për të gjithë”

Vendet më të fuqishme të botës duket se aktualisht kanë vetëm një garë mes tyre: kush nxjerr e para vaksinën kundër koronavirusit të ri. Kreu i Organizatës Botërore të Shëndetësisë, Tedros, Adhanom Ghebreyesus deklaroi së fundmi se bota duhet të ndalojë me nacionalizimin e vaksinës, në mënyrë që të garantohet shpërndarje e baranbartë dhe e drejtë e vaksinës.

Duke folur në një një dalje për shtyp virtuale nga Gjeneva, numri një i OBSH u shpreh se, njëherë që do të ketë një vaksinë efektive, organizata do të nisë me strategjinë e rekomandimeve për të ofruar një shpërndarje të barabartë dhe të drejtë të saj.

Sipas tij, shpërndarja e vaksinës do të bëhet në dy faza. Në fazën e parë, dozat do të shpërndahen proporcionalisht te të gjitha vendet që janë përfshirë në zhvillimin e  vaksinës nga OBSH. Në fazën e dytë, shpërndarja do të bëhet nëpër këto vende sipas riskut dhe vulnerabilitetit të tyre.

“Është e rëndësishme që të mos përsëriten të njëjtat gabime. Ne duhet të parandalojmë  nacionalizmin e vaksinës”-shtoi ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.