Boeing i ri 777 do të ketë krahë të palosshme

Gjigandi i hapësirës ajrore Boeing  ka marrë miratimin nga rregullatorët amerikanë për një dizajn të ri me krahë të palosshëm që do të ndërtohen në mega avionin 777x. Krahët e palosshme janë përdorur për disa aeroplanë ushtarakë në transportuesit e avionëve, por ky do të jetë rasti i parë në një avion komercial.

Aeroplani i ardhshëm do të ketë një hapësire të gjatë prej 235 metra, një dizajn ndryshe i cili do të ketë më efikasitet dhe duke u ndierë më rehat në fluturim. Krahu i palosjes do ti lejojë pilotët të zvogëlojnë hapësirën e krahut të avionit deri në 212 metra, aq sa të jetë e mjaftueshme për të vazhduar përdorimin e terminaleve të dizajnuara në lidhje me akomodimin e avionëve të vjetër 777.

Transformimi i krahut do të funksionojë vetëm kur avioni është në tokë dhe Administrata Federale e Aviacionit (FAA) ka zhvilluar një dokument të kushteve speciale për të siguruar që teknologjia të plotësojë standardet e sigurisë.

Inxhinierët zhvilluan sisteme primare dhe sekondare të kapjes, të cilat do t’i mbajnë krahët plotësisht të zgjatur gjatë fluturimit. Boeing është planifikuar të sjellë në treg seri të re 777X në vitin 2020.  Si pjesë e miratimit të FAA, agjencia gjithashtu përmendi një seri kërkesash që Boeing duhet të përmbushë, duke krijuar një seri krejtësisht të re ‘kushtesh të veçanta’ për standardet e dizajnit të avionëve lidhur me risitë në krahë të palosshëm.

Ndër kërkesat, Boeing duhet të hartojë sisteme  paralajmëruese të shumta automatike që mund të njoftojnë pilotët nëse ata po nisen me krahët ende të palosura. Firma gjithashtu duhet të provojë se krahët nuk do të hapen aksidentalisht gjatë fluturimit dhe se asnjë forcë nuk mund të zhbllokojë menteshat.

Krahët duhet të jenë në gjendje të përballojnë erën që fryn deri në 75 milje në orë në tokë. Përveç kësaj, Boeing duhet të ketë një proces të vendosur në të për zëvendësimin e dritave në segmentet e palosshme të krahut. Boeing 777X, mund të transportojë më shumë se 400 udhëtarë, ka krahë të cilat janë ndërtuar nga përbërjet e fibrave të karbonit, duke i bërë ato më të lehta dhe më të fuqishme se materiali tipik i aluminit.

Palosjet e krahëve e lejojnë Boeing  të zgjasë gjerësinë e krahëve në 23 metra, ose afërsisht 11%, më shumë se gjerësia aktuale e tyre. Krahët janë më të mëdhenjtë e krijuar ndonjëherë nga Boeing. Dritaret e 777-9X do të jenë gjithashtu 15 përqind më të mëdha se avionët konkurrues, thotë Boeing, dhe vendosen në një lartësi që do të jetë niveli i syve për shumicën e udhëtarëve.

Fabrika e krijuar për ndërtimin e avionëve, në Everett, është mjaft e madhe për të përshtatur 25 fusha futbolli brenda. Ndërsa marrja e miratimit të FAA për krahët është një hap i madh, Boeing mendon se fluturimi i parë i 777x mund të jetë në fillim të vitit 2019. Fluturimet komerciale nuk priten përpara dhjetorit të vitit 2019 ose më vonë.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.