Britani – Karantinimi pritet të zgjatet disa muaj, frikë nga një valë e dytë infektimesh

Karantinimi në Mbretërinë e Bashkuar mund të mbetet në vend për disa muaj për shkak të frikës se Britania do të vuajë një kulm vdekjeprurës të dytë të infeksioneve, sipas një anëtari të lartë të qeverisë së Boris Johnson.

Oliver Dowden, sekretari i kulturës, tha të hënën se Kryeministri është i shqetësuar se heqja e kufizimeve aktuale shumë shpejt do të rrezikonte një goditje të dytë nga infektimet e Covid-19.

Raportet sugjerojnë se ekziston një ndarje e kabinetit mbi çështjen se sa herët Mbretëria e Bashkuar duhet të fillojë të rihapë ekonominë. Rishi Sunak, Kancelari dhe Michael Gove, ministri i Zyrës së Kabinetit, thuhet se janë të prirur të fillojnë së shpejti të heqin kufizimet për të ndaluar shkatërrimin e miliona vendeve të punës, sipas gazetës Times of London.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.