Britania i thotë “jo” masave të reja – Javid: Nuk do të ketë karantinë në Angli deri në fundvit. Situata, nën monitorim
Anglia nuk do të aplikojë ndonjë kufizim të ri të koronavirusit deri në fund të këtij viti, sipas ministrit të Shëndetësisë, Sajid Javid, i cili shtoi se qeveria pret më shumë të dhëna nëse shërbimi shëndetësorë mund t’i bëjë ballë normave të larta të infeksionit. Kryeministri Boris Johnson vazhdon t’i rezistojë masave të reja, që do të ishin jo popullore brenda partisë së tij, pavarësisht se Skocia, Uellsi dhe Irlanda e Veriut po prezantojnë kufizime.
Edhe pse rastet e raportuara nga Qeveria ditën e Hënë sihin pranë 100,000 në Angli, Javid tha se ministrat nuk do të ndërmarrin hapa të reja për të limituar koronavirusin në ditët e ardhshme. Ndërsa shtohen të dhënat e Skocisë, Uellsit dhe Irlandës së Veriut tek shifrat e Anglisë, rastet për të gjithë britnainë janë pak poshtë rekordit të 24 Dhjetorit prej 122,186.
“Nuk do të ketë masa të tjera përpara vitit të ri”- tha Javid , due shtuar se ndersa arrin fundi i vitit, do kuptohet nëse do duhen shtuar kufizimet. Ai tha se varianti Omicron përbën tashmë 90% të rasteve në Angli dhe i bëri thirrje njerëzve që të festojnë Vitin e Ri me kujdes. Vëmendja e Qeverisë është përqëndruar edhe tek numri i pacientëve që shtrohen në spital me Omicron, pasi të dhënat në javën e kaluar treguan se varianti mban një rrezik më të ulët të sëmundjes së ashpër. Të dhënat e fundit treguan se numri i pacientëve në spitale në Angli me Covid-19 ishte më i larti që prej Marsit, në 8,474, por shumë larg majës prej 34,000 në Janar.
Një kombinim i faktorëve, përfshirë programi i vaksinimit në Britani, hendeku mes infeksioneve dhe shtrimit në spitale dhe efektet më pak të ashpra të Omicron, janë përmendur nga ekspertët si shpjegim i mundshëm për shifrat e ulëta. Megjithatë, Britania ka raportuar një total prej 148,000 vdekjesh brenda 28 ditëve të një testi pozitiv që kur nisi pandemia, si dhe 12.2 milionë infeksione. Johnson u takua me shkencëtarët kryesorë në nisje të Javës për të diskutuar për të dhënat e fudit. “Ne do të monitorojmë me kujdes atë që po ndodh në spitale”- tha Javid, duke shtaur se në të ardhmen, nëse do të duhet të aplikohen masa të reja, nuk do të hezitohet.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.