Ekspertët, thirrje për lojërat Olimpike / “Pa spektatorë, do të ishte opsioni me më pak rrezik”

Ekspertët mjekësor në Japoni paralajmëruan se mbajtja e lojërave Olimpike gjatë pandemisë do të rrisë infeksionet dhe se ndalimi i të gjithë spektatorëve është opsioni më me pak rrezik.  Kjo mund të sjellë një konflikt të mundshëm me organizuesit e eventit.  Raporti, i drejtuar nga këshilluesi kryesor i shëndetësisë, Shigeru Omi, u publikua pasi komisioni organizues i Tokjo 2020, tha për mediat se kërkon të lejojë deri në 10,000 spektatorë në stadiume, për lojërat që nisin më 23 Korrik. Japonia synon të vazhdojë me mbajtjen e eventit miliarda dollarësh, pavarësisht rritjes së rasteve me Covid dhe kundërshtimit të fortë publik,   ndërkohë që ka ndaluar spektatorët nga jashtë vendit.  Anulimi do të jetë i kushtueshëm për organizuesit, qeverinë e Tokjos, sponsorat dhe siguruesit.  “Ky event është i ndryshëm nga sportet e zakonshme në masë dhe me interes social, për shkak se përkon me pushimet e Verës. Lëvizja e njerëzve dhe mundësitë për të ndër vepruar gjatë lojërave Olimpike do të përhapë infeksionin dhe godasë sistemin shëndetësor”- deklaruan ekspertët, duke shtuar se mbajtja e lojërave pa spektatorë fare, është opsioni më me pak rrezik.   Një vendim përfundimtar për spektatorët japonez do të merret gjatë një takimi në javën e ardhshme mes organizuesit e Tokjo 2020, komisionit Olimpik Ndërkombëtar,  dhe qeverisë japoneze.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.