Elbasani në shifra – ALUIZNI: 2016 shënon vitin me numrin më të lartë të legalizimeve

Në 5 vitet e fundit në qarkun e Elbasanit janë legalizuar 10 862 ndërtime informale ose 5 herë më shumë se gjatë viteve 2006-2013. 83 % e totalit të të gjitha lejeve janë dhënë nga viti 2014 deri në shtator 2018.

Viti kur janë dhënë më pak leje legalizimi është 2009 kur ALUIZNI ka legalizuar 266 objekte pa leje, ndërsa viti 2016 shënon vitin me numrin më të lartë të legalizimeve të kryera, 4311 të tilla.

Nga janari deri në shtator të vitit 2018 janë dhënë 1437 leje.

Në qarkun Elbasan që prej nisjes së këtij procesi në vitin 2006 janë kryer gjithsej 12 933 legalizime objektesh pa leje.

Elbasani është një prej qarqeve më të mëdhenj dhe me problematikë legalizimi në vend. Në të përfshihen bashkia Elbasan, Librazhd, Prrenjas, Gramsh, si edhe bashkitë Cerrik, Peqin dhe Belësh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.