Enigma: Diamanti miliarda vjeçar më i madh në botë shitet për 4.3 milionë dollarë!
Diamanti i zi miliarda vjeçar, që besohet të jetë diamanti më i madh i prerë në botë, është shitur për 4.3 milionë dollarë. E quajtur Enigma, guri i çmuar prej 555,55 karatësh, i cili peshon pothuajse njësoj sa një banane, pritej të merrte më shumë se 6 milionë dollarë në aksionin online. Drejtuesi i ankandit Sotheby’s tha se “blerësi ka zgjedhur të përdorë kriptomonedhë për blerjen”.
Ekzistojnë teori konkurruese rreth origjinës së gurit, duke përfshirë se ai u transportua në Tokë nga një asteroid. Sotheby’s nuk e identifikoi blerësin, por pas ankandit, sipërmarrësi i kriptomonedhave, Richard Heart, doli në mediat sociale për të pretenduar se ai ishte blerësi i The Enigma.
Ai u tha më shumë se 180,000 ndjekësve të tij në Twitter se “sapo të kryhej pagesa dhe të merrej zotërimi”, ai do të riemërohej “diamanti HEX.com”, duke iu referuar platformës blockchain që ai themeloi. Guri i çmuar është një karbonado, e cila është një nga format më të vështira të diamantit natyror.
Karbonadot janë jashtëzakonisht të rralla dhe janë zbuluar vetëm në Brazil dhe në Republikën e Afrikës Qendrore. Për shkak se ato përmbajnë osbornit, një mineral që gjendet vetëm në meteorë, besohet se e kanë origjinën nga hapësira. Sotheby’s e përshkroi Enigmën si “një nga mrekullitë më të rralla kozmike miliarda vjeçare të njohura për njerëzimin”.
Edhe pse origjina e saktë e diamanteve të zeza është e mbuluar me mister. Diamantet e zeza janë zakonisht rreth 2.6 deri në 3.2 miliardë vjet të vjetra – një kohë përpara se të ekzistonin dinozaurët. Vetë Toka është rreth 4.65 miliardë vjet e vjetër, pra jo shumë më e vjetër se diamantet e zeza. BBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.