Ervin Bushati në ‘Argument’: Paniku ndikon në ekonomi, e rëndësishme të ruhet qetësia e të gjykohet ftohtë

I ftuar në emisionin ‘Argument’ për të folur mbi ekonominë e Shqipërisë pas dy shokeve të mëdha, e para pas tërmetit të madh, e dyta rreziku potencial nga koronavirus, deputetit Ervin Bushati bën thirrje që kushdo apo çfarëdo entitet me impakt në publik duhet të tregohet i kujdesshëm që të mos hapë mesazhe paniku.

“Patjetër që ekonominë botërore që po bëhet gjithnjë e më shumë e ndërlidhur dhe nevralgjike çdo situatë që ndodh në tjetër vend, ka ndikim global. Megjithatë Shqipëria, sa i përket koronavirus, nuk është e rrezikuar ende, edhe pse ne masat i kemi marr. Është e rëndësishme që të mos përhapet panik, sepse historia ka treguar që paniku rrezikon më shumë jetë sesa rreziku vet. E njëjta gjë vlen edhe për ekonominë.”- ka thënë deputeti i PS, Ervin Bushati.

Më tej deputeti është shprehur dhe rreth domosdoshmërisë që kanë vendet e vogla si Shqipëria, që masat që lidhen me fatkeqësitë natyrore apo shëndetësore të ndërmerren në njësi gatishmërie rajonale dhe jo lokale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.