Eurozona, në një pikë të kthesës / Lagarde: Pavarësisht rimëkëmbjes, nuk do debatohet heqja e stimujve
Ekonomia e Eurozonës ndodhet në një pikë të kthesës, por rimëkëmbja duhet të jetë e fortë dhe e qëndrueshme përpara se Banka Qendrore Europiane të debatojë heqjen e stimujve monetarë, sipas presidentes së institucionit, Christine Lagarde. Banka Qendrore ra dakrod javën e kaluar që të ruajë ritmin e blerjes së obligacioneve dhe kostot e ulëta të huamarrjes, ndërkohë që politikëbërësit as nuk i’u përgjigjën pyetjeve mbi heqjen e stimujve, pavarësisht rimëkëmbjes ekonomike. “Nuk po sugjeroj se programi i blerjes emergjencë të pandemisë (PEPP) do përfundojë më 31 Mars. Kemi plot fleksibilitet, por në aspektin ekonomik, jemi në drejtimin duhu”- tha Christine Lagarde, për Politico.
Ajo shtoi se është shumë herët të debatohen çështje si reduktimi i programit prej 1.85 trilionë euro, që pritet të përfundojë më 31 Mars, apo deri sa kriza e pandemisë të shkojë drejt një fundi. Ekonomistët presin që institucioni në Frankfurt të diskutojë mbi fundin e programit në takimin e Shtatori. Megjithatë, të tjerë thonë se banka me shumë gjasa do zhvendoset tek Programi i vjetër i Blerjes së Aktiveve, ndërkohë që inflacioni pritet të mos arrijë objektivin prej vitesh.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.