Fitch dhe Moody’s e ‘çojnë’ Rusinë në statusin ‘mbeturina’ ndërsa sanksionet rriten!
Ekonomia ruse ka filluar të shohë ndikimin ekonomik të pushtimit të Ukrainës pasi SHBA, Bashkimi Europian dhe vende të tjera perëndimore vendosën një mori sanksionesh për të izoluar Moskën në skenën globale.
Në një goditje të re për Rusinë, agjencitë globale të vlerësimit Fitch dhe Moody’s ulën të mërkurën vlerësimin e kredisë sovrane të vendit në statusin “junk”, duke përmendur ashpërsinë e sanksioneve ndërkombëtare në përgjigje të pushtimit rus të Ukrainës.
Rishikimi i kredisë u shkaktua pasi Rusia njoftoi pushtimin ushtarak të Ukrainës më 25 shkurt, gjë që çoi në sanksione të ashpra kundër institucioneve financiare dhe bizneseve të Moskës, duke rezultuar në një rënie në tregun e aksioneve dhe një rënie rekord të monedhës vendase, rubla.
Moody’s ka ulur vlerësimin e kredisë sovrane të Rusisë me gjashtë pikë në ‘B3’ nga ‘Baa3’, duke shtuar se vlerësimet mbeten në shqyrtim për ulje të mëtejshme. Ulja e vlerësimit të Rusisë është nxitur nga rreziku i rritur i ndërprerjes së shlyerjes së borxhit sovran duke pasur parasysh sanksionet e rënda dhe të koordinuara dhe shqetësimet e rëndësishme rreth gatishmërisë së Rusisë për t’i shërbyer detyrimeve të saj, thotë ai.
Agjencia globale e vlerësimit paralajmëroi se ekziston mundësia e një ndërprerjeje të qëndrueshme në ekonomi dhe sektorin financiar nga sanksionet që kufizojnë aksesin në rezervat ndërkombëtare të Rusisë që synojnë të mbrojnë vendin nga goditjet negative.
Moody’s tha se flukset hyrëse të valutës nga eksporti i naftës dhe gazit rus mund të ofrojnë një jastëk për ndikimin e këtyre sanksioneve të rënda, por kjo nuk përjashton gjasat e larta për një ndërprerje të qëndrueshme ekonomike dhe rritjen e ndjeshmërisë ndaj goditjeve.
Ndërkohë, Fitch ka ulur vlerësimin sovran të Rusisë në ‘B’ nga ‘BBB’. Vlerësimet janë vendosur në Rating Watch Negative (RWN).
Agjencia tha se sanksionet ndërkombëtare ndaj Rusisë kanë rritur rreziqet e stabilitetit makro-financiar, gjë që paraqet një goditje të madhe për bazat e saj të kredisë dhe mund të minojë gatishmërinë e saj për të shërbyer borxhin e qeverisë.
Agjencia mendoi se sanksionet e SHBA-së që ndalojnë transaksionet me Ministrinë e Financave nuk do të pengojnë shërbimin e borxhit sovran të Rusisë, por kjo është e paqartë dhe rreziku i një mase kaq të rëndë është rritur ndjeshëm. Bloomberg
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.