Franca i bën thirrje Britanisë, Beaune: “Duhet të ketë akses tek ujërat britanike për peshkim”

Ministri francez për Ccështjet Europiane, Clement Beaune, tha se është i vetëdijshëm që vendi i tij nuk do të ketë kuotat aktuale të peshkimit pas Brexit, por shtoi se marrëveshja duhet të përfshijë akses të madh dhe me kohëzgjatje.  Beaune tha se Britania mund të gëzojë nga njëra anë totalin e tregut të përbashkët europian dhe nga ana tjetër, të caktojë kushtet e veta për peshkimin.

“E dimë që ditët e aksesit të plotë tek kuotat e peshkimit në ujërat e territorit të Britanisë kanë mbaruar, por ne na duhet një akses i madh atje”, – tha Beanue.  Bisedimet për një marrëveshje tregtare të Brexit ngecën ditën e Premte në 3 çështje; peshkimi, konkurrenca e drejtë dhe zgjidhja e konflikteve në të ardhmen.

Në ditët e ardhshme, të dyja palët do të duhet të vendosin nëse do vazhdojnë negociatat me besimin për të arritur një marrëveshje, apo të pranojnë rezultatin përfundimtar të Brexit pa marrëveshje, sipas ministrit francez. Beaune përsërit gatishmërinë e Francës për të përdorur veton nëse sheh që marrëveshja cënon interesat.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.