Gjermani / Si zgjerimi i korsive të biçikletave po ndihmon në luftën me Covid-19

Qytetet gjermane po ripërcaktojnë shenjat rrugore për të krijuar korsi biçikletash “pop-up” për kohëzgjatjen e bllokimit të Covid-19, pasi çiklistët kërkojnë më shumë hapësirë ​​për t’u distancuar fizikisht në udhëtimet e tyre për në punë.

Autoritetet lokale në rrethin Kreuzberg në Berlin lejuan zgjerimin e përkohshëm të korsive, duke argumentuar se do të ndihmonte çiklistët të mbanin distancën e kërkuar  prej 1.5 metrash, ndërsa trafiku i makinave ishte në rënie për shkak të kufizimeve të koronavirusit.

Të premten, këshilli shpalli një sukses skemën pilot sepse kishte përmirësuar sigurinë e çiklizmit duke mos penguar trafikun.

Banorët në 133 qytete të tjera gjermane kanë paraqitur zyrtarisht aplikime për korsi të ngjashme me biçikletë pop-up tek autoritetet e tyre lokale të mbështetur nga Environment Action Germany (DUH), një OJQ mjedisore.

Në Gjermani, dyqanet e riparimit të biçikletave aktualisht janë të përjashtuar nga mbylljet e urdhëruara nga shteti për shkak të pandemisë Covid-19. Tre shtete federale, Berlini, Saksonia-Anhalt dhe Mecklenburg-Vorpommern, gjithashtu kanë lejuar shitësit e biçikletave të qëndrojnë të hapur.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.