Gjykata administrative “pro” HEC-eve në Valbonë – Do të vazhdojë ndërtimi
Gjykata Administrative e Tiranës ka dhënë sot verdiktin e saj mbi çështjen e Hidrocentraleve mbi lumen e Valbonës.
Pas shtyrjes së vendimit, ditën e mërkurë, trupa gjykuese ka vendosur të rrëzojë kërkesën e banorëve të zonës dhe Shoqatës “Toka”, duke lejuar në këtë mënyrë vijimin e punimeve për ndërtimin e dy HEC-eve.
Kjo gjykatë kishte nisur shqyrtimin e çështjes në fillim të muajit Tetor, pas rrëzimit të kërkesës së palës paditëse në Gjykatën Administrative të Shkallës së Parë.
Në padi, 27 banorë të fshatrave përreth kërkojnë ndërprerjen e menjëhershme të punimeve për ndërtimin e Hidrocentraleve, ndërsa ka rënë në sy edhe mbështetja e shumë organizatave të tjera vendase e të huaja, por edhe e trupit diplomatik si ambasada gjermane.
Krahas dwmit ekologjik banorët kishin shprehur shqetësimin se puna për ndërtimin e HEC-eve ka vazhduar me ritme të shpejta dhe shpërthimet e dinamitit tronditin çdo natë shtëpitë, ndërkohë që shtrati i lumit është tharë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.