Hakerët dhe kriminelët po përdorin paratë virtuale në video lojëra si një treg të pastrimit të parave
Tregu i lojërave në internet ka marr një zhvillim tepër të madh për shkak të zhvillimit të teknologjisë dhe rritjes së cilësisë.
Kryesisht të gjithë të rinjtë në gjithë botën shpenzojnë mjaftueshëm kohë duke luajtur video lojëra dhe ky faktor ka sjellë futjen e produkteve me pagesë në lojërat online, gjë që shqetëson gjithë prindërit se si fëmijët e tyre po shpenzojnë paratë.
Por video lojërat janë bërë një pikë referimi për hakerët dhe kriminelët pasi lojërat online më të preferuara kanë krijuar “dyqanin e tyre online të produkteve” dhe kjo shihet si mënyrë përfitimi për ta.
Në një hetim të kryer nga VICE mbi një lojë të quajtur Counter-Strike: Global Offensive rezultonte se shumica e transaksioneve që po ndodhin në të vërtetë ishin pjesë e një rrjeti mbarë botëror, krejtësisht të vërtetë mashtrimi. Si rezultat, pothuajse të gjitha këto transaksione u identifikuan si burime mashtrimi, ku kriminelët po i përdorin ato si një treg pastrimi parash.
Kriminelët kibernetikë vjedhin llogari, shpesh të pa mbrojtura ose pa siguri shtesë, dhe janë në gjendje të përdorin varg numrash të kartave të kreditit të vjedhura për të blerë brenda ‘dyqanit të lojës’. Këto produkte më pas mund të rivlerësohen në një treg gri online për një pjesë të çmimit.
Për shkak të vështirësisë së identifikimit është shumë e vështirë që nga krijuesit e lojërave të kuptohet mashtrimi në kohë zakonisht ato kuptohen muaj më vonë. Në këtë pikë, është shpesh e pamundur të kapësh mashtruesin fillestar, i cili mund të jetë në gjendje të rihapë këtë proces ose që është duke e bërë sërish.
Këto lloj mashtrimesh po ndodhnin në të gjithë globin, duke u bërë potencialisht më i lehtë nga ngritja e platformave të cila u mundëson lojtarëve në të gjithë botën të transmetojnë dhe të luajnë lojëra së bashku, dhe gjithashtu e bën më të lehtë për njerëzit që të gjejnë audiencë të re në të gjithë botën gjë që rrit akoma vështirësinë e kapjes së kriminelëve kibernetik për shkak se fushëveprimi i tyre është në rang global.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.