Huawei rrit të ardhurat me 21% – Kap shifrën e 109 miliardë dollarëve
Huawei pritet të ketë një rritje prej 21 për qind në të ardhurat e 2018, përkthyer ndryshe në shifrën prej 109 miliardë dollarësh duke shënuar ritmin më të shpejtë të rritjes së gjigantit kinez të teknologjisë në dy vite.
Në fjalimin e tij të vitit të ri për punonjësit, Guo Ping, kryetari i radhës, tha gjithashtu se Huawei ka siguruar 26 kontrata 5G dhe pret që dërgesat e saj të smartphonëve për 2018 të tejkalojnë 200 milionë njësi.
Huawei është prodhuesi më i madh i pajisjeve të Telekomit në botë dhe shitësi i dytë më i madh i smartfonëve. Ajo ka qenë nën presion ndërkombëtar këtë vit pasi Shtetet e Bashkuara dhe aleatët, duke përfshirë Australinë dhe Zelandën e Re, filluan të ndalonin pajisjet e saj duke dyshuar për spiunim nga Kina.
Reuters raportoi gjatë ditës së sotme duke cituar disa burime se Shtëpia e Bardhë po mendon për një urdhër ekzekutiv që në janar do të pengonte kompanitë amerikane nga përdorimi i pajisjeve të telekomunikacionit të bëra nga Huawei dhe ZTE.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.