Italia ndërmerr një hap tjetër ndaj Call Center-ave. Krijon regjistrin për të ndaluar telemarketingun edhe nga celularët

Stop telemarketingut të padëshiruar gjithashtu edhe nga celularët. Risia për miliona përdorues që nuk dëshirojnë të marrin thirrje në çdo kohë të ditës është realizuar mes një rregulloreje të kryesisë së këshillit dhe të Ministrisë së Zhvillimit Ekonomik, e cila duhet të arrijë së shpejti edhe në Këshillin e ardhshëm të Ministrave.

Në praktikë, regjistri i kundërshtimeve do të zgjerohet, që sot ka të bëjë vetëm me numra fiks dhe prej një viti për postën e thjeshtë të dorëzuar në shtëpi. Regjistri i ri do të ketë një shtrirje të madhe, mbi 20 milion përdorues të linjës fikse dhe 83 milion numra celularësh.

Duke u regjistruar falas në regjistër, përdoruesit (persona fizikë, persona juridikë, subjekte ose shoqata) do të jenë në gjendje të shmangin thirrjet e padëshiruara me qëllim të dërgimit të materialeve reklamuese ose shitjeve të drejtpërdrejta, ose për kryerjen e hulumtimit të tregut ose komunikimit tregtar.

Rruga për ta bërë regjistrin plotësisht funksional, megjithatë, nuk parashikohet të jetë e shkurtër. Me parashikimin e ligjit 5 të 2018, zhvillimi i këtij instrumenti të ri ka rezultuar më kompleks sesa pritej. Dhe pas kalimit në Këshillin e Ministrave, do të kërkojë një konsultë me operatorët dhe shoqatat e konsumatorëve dhe më pas përgatitjen e metodave teknike të operimit. Parashikimi: fundi i vitit 2020.

Operatorët që duan të kryejnë veprimtari telemarketing do t’ju kërkohet të konsultohen me regjistrin për të siguruar që përdoruesi ka dhënë ose jo pëlqimin e tij për përdorimin e numrit ose adresës. Dhe, për ta bërë këtë, ata do të duhet t’i paguajnë Ministrisë së Zhvillimit ose operatorit specifik një tarifë vjetore. Nëse një menaxher kujdeset për regjistrin, duhet të sigurohet mbikëqyrja e ministrisë dhe e Garantuesit të Privatësisë.

Përdoruesit ndërkaq do të kenë dy mundësi të ndryshme për t’u regjistruar. Me një formë të veçantë elektronike në faqen e internetit të operatorit të regjistrit ose me thirrje, duke përdorur numrin e linjës telefonike për të cilën keni ndërmend të mohoni pëlqimin. (ilsole24ore)

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.