Italia shkëputet nga Rusia – Snam blen anijet e para të rigazifikimit për të zëvendësuar furnizimin rus

Në Itali, Snam – kompania e infrastrukturës energjitike – ka blerë dy anijet e para të rigazifikimit që do i lejojë vendit të përdorë gaz natyror të lëngshëm për të zëvendësuar importet e metanit nga Rusia dhe që do kontribuojë në shkëputjen nga varësia e Moskës. Kompania konfirmoi se ka mbyllur kontratën e blerjes, e cila po diskutohej që nga momenti kur qeveria italiane vendosi për politikën e re energjitike. Vlera e kontratës është rreth 330 milion euro.

Kjo procedurë u miratua nga këshilli i administratës së Snam në 30 maj. Anija Gola Tundra mund të veprojë dhe si anije për transportin e gazit natyror në gjendje të lëngshme, por mund të bëjë dhe magazinimin dhe rigazifikimin e tij. E ndërtuar në vitin 2015, anija ka një kapacitet magazinimi të vazhdueshëm prej 5 miliard kub gaz në vit. Sipas parashikimeve anija mund të fillojë aktivitetin e saj në pranverën e 2023-shit, në përfundim  të veprimeve të domosdoshme për lidhjen e saj në rrjetin e transportit.

Sipas kompanisë, me anë të aktiviteteve të anijes do të mund të mbulohet 6.5% e kërkesës kombëtare duke e cuar kapacitetin e rigazifikimit në një nivel mbi 25% të kërkesës. Snam në 18 maj bleu dhe anijen e vogël Golar Arktik që do të cojë gaz në Sardenjë, i vetmi rajon në Itali që ende është i privuar nga furnizimi me gaz. Kjo është një shoqëri e themeluar në vitin 1946 në Norvegji me seli në Bermudë dhe e kuotuar nga Nasdaq i Nju Jork.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.