Kryeministri propozon formulën për tarifat e studentëve: Ulje më shumë se 50% ose edhe zerim për kategori të caktuara!

Në komunikimin për mediat lidhur me protestën studentore dhe kërkesën për uljen e tarifave të shkollimit në universitet, kryeministri Edi Rama ka bërë publike një formulë zgjidhje që parashikon ulje me shumë se 50 % të saj, por për kategori të caktuara.

“Tarifat patjetër jam gati t’i rishikojmë. Po jo tarifat po ndihmën e qeverisë dhe shtetit për ju në pagesën e tarifave. Dhe ndërkohë do të bëjmë transparencën e tarifave apo s’do ta bëjmë? Do ta marrim tarifën siç është. Ne do t’u japim nga buxheti 50 %. Pse jo më shumë se 50 %? Pse t’ua ulim 50 për qind tarifën studentëve që janë me 9 e me 10?! Ua heqim fare. Atyre të gjithë taksapaguesit janë gati tua heqim fare,. Pse të mos ua heqim fare atyre që vijnë nga familje që janë me ndihmë ekonomike? Të gjithë do ua bëjmë njësoj?! Unë nuk mendoj kështu. Po si ta zgjidhim? Me televizor?

Reforma nuk ka prekur tarifat. Ky është fakt. Reforma për të cilën u thonë se është shkatërrimi, futja e duarve në xhepin tuaj, është privati, dreqi e i biri. Jo janë gënjeshtra. Sepse tarifat në 2015 u vendosën nga universiteti si pjesë e autonomisë universitare.

Ne jemi gati që tarifat t’i mbështesim sipas kategorive më shumë se 50 % nga taksat. Po është paketë. Nuk mund të jetë kështu. O ba dua lekë? Do lekë, po për çfarë i do? Dakord do u themi prindërve, mesuesve të gjithëve atyre që paguajnë taksa që një pjesë të taksave tuaja do ua çojmë studenteve për të mbuluar një pjesë të tarifave” tha kryeministri.

Lexo edhe:

Protesta e studentëve, Rama: Ta gatshëm për dialog, sillni kërkesat! Gati për të mbështetur studentët në pagesën e tarifave (Fjala)

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.