Kufizime për Gjermaninë – Propozohet vendosja e kufirit të shpejtësisë në autostrada
Gjermania është i vetmi vend europian që nuk ka kufizim shpejtësie në autostradat e saj, por me sa duket kjo mund të ndryshojë së shpejti sipas Euronews. Një raport i fundit i Komisionit Parlamentar sugjeron vendosjen e një limiti prej 130 km/h, duke e cilësuar si domosdoshmëri për trajtimin e ndryshimeve klimatike.
Ndërsa ka ‘peshuar’ debatin për futjen e limiteve të shpejtësisë në Gjermani, ministri gjerman i Transportit Andreas Scheuer nuk e ka përkrahur këtë ide, duke e cilësuar atë një veprim ‘non sens.’
Por, pavarësisht ndërhyrjes së Scheuer, ‘Bild am Sonntag’ shkruan se sipas një studimi të fundit të Institutit Emnid, rreth 52% e të anketuarve janë shprehur pro vendosje së kufirit të shpejtësisë midis 120 dhe 140 km/h, ndërsa 46% e tyre kanë kundërshtuar vendosjen e tij.
Zëvendëskryetari i Bashkimi të Zyrtarëve Policor të Gjermanisë, Michael Mertens, ka shprehur mbështetjen e tij për vendosjen e kufirit të shpejtësisë, duke argumentuar se kjo mund të reduktonte numrin e vdekjeve nga aksidentet.
Gjermania mund të ndëshkohet me gjoba të rënda nga Bashkimi Europian në rast se nuk arrin të reduktojë emetimi e dioksidit të karbonit në nivelin e përcaktuar tashmë për të gjitha vendet e bllokut.
G.D/SCAN
Franca ul kufirin e shpejtësisë në 80 km/h – Ja limitet për të gjithë rrugët e Europës
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.