“Ligji për arsimin e lartë nuk preket”, Shahini: S’ka nevojë për amendime. “Pakti për Universitetin” e zgjidh

Nuk do të ketë asnjë ndryshim në ligjin për arsimin e lartë, pavarësisht se kjo është kërkuar vazhdimisht nga studentët edhe nga pedagogët.

Lëvizja Socialiste për Integrim paraqiti në komisionin parlamentar të edukimit dhe mjeteve të informimit publik, 4 amendamente, sipas të cilës zgjidhnin situatën por ato nuk janë marrë parasysh.

Ministrja e Arsimit, Besa Shahini iu përgjigj deputetëve se “Pakti për Universitetin” zgjidh kërkesat e studentëve, pretendim i cili është hedhur poshtë nga opozita.

Kryetarja e komisionit Albana Vokshi u ndal edhe në plotësimin e kërkesave të pedagogëve, por nuk pati asnjë përgjigje. Shahini preferoi të mos fliste as për ngjarjen e pranisë së policisë në ambientet universitare.

Po cilët ishin 4 pikat që u propozuan nga LSI ? E para ishte për gradën e anëtarëve të senatit, e cila duhet ti përkiste kategorisë doktor, përfaqësimi i studentëve në senat të jetë 50%, po ashtu në këtë masë duhet të përllogariten dhe votat e studentëve për zgjedhjen e rektorit dhe pika e fundit ka të bëjë me zgjedhjen e një përfaqësuesi nga studentët në bordin e administrimit të universitetit.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.