MacKenzie Bezos, nënshkruan betimin për të dhuruar gjysmën e pasurisë së saj

MacKenzie Bezos, ka deklaruar se do dhurojë së paku, gjysmën e pasurisë së saj, prej 37 miliardë dollarësh, që do të marrë nga divorci i saj me themeluesin e Amazon, Jeff Bezos.

49 vjeçarja, është tashmë një nga 19 nënshkruesit e rinj të Dhënies së Premtimit, të cilët kanë premtuar se do të dhurojnë më shumë se 50% të pasurisë së tyre për filantropinë ose projekte bamirëse, gjatë jetës së tyre me vullnetin e tyre të plotë.

Kjo shoqatë është themeluar nga Bill dhe Melinda Gates dhe Warren Buffett në vitin 2010 dhe tani ka një total prej 204 pjesëmarrësish nga 23 vende të ndryshme.

Vendimi MacKenzie, është në kundërshtim me Jeff Bezos, personi më i pasur në planet. Ai nuk e ka nënshkruar këtë marrëveshje dhe është kritikuar për përpjekjet e tij filantropike relativisht të përmbajtura deri më sot.

Dyshja njoftoi se ata ishin duke u divorcuar në janar. Si pjesë e ndarjes, MacKenzie Bezos do të marrë një pjesë prej 4% në Amazon. Jeff Bezos do të mbajë 12% të aksioneve, si dhe disa pasuri të tjera, duke përfshirë Washington Post dhe kompaninë e eksplorimit hapësinor Blue Origin.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.