Macron thirrje për një rishikim të zonës Shengen: BE duhet të kontrollojë më mirë kufijtë e saj!
Bashkimi Europian ka nevojë për një mekanizëm reagimi emergjent që një shtet anëtar të mund të vendos në funksion kur kufijtë e jashtëm të bllokut janë nën kërcënim, është shprehur presidenti francez Emmanuel Macron.
Krizat e emigracionit përgjatë krahut lindor të BE-së këtë vjeshtë nënvizuan nevojën e Europës për të forcuar aftësinë e saj për të kontrolluar se kush hyn brenda dhe jashtë bllokut, tha presidenti.
Vetëm nëse Europa zotëron kufijtë e saj të jashtëm, lëvizja e lirë brenda zonës Shengen të bllokut mund të funksiononte siç duhet, shtoi Macron, ndërsa përcaktoi një plan kyç reformash të presidencës së radhës franceze të BE-së.
Ky reagim vjen pasi mijëra emigrantë janë ngecur në kufirin lindor të BE-së, në atë që Brukseli thotë se është një krizë e krijuar nga Bjellorusia duke shpërndarë viza për emigrantët e mundshëm në Lindjen e Mesme, dhe duke i sjellë ata brenda dhe shtyrë përtej kufirit të bllokut. Bjellorusia mohon akuzat.
Macron tha se mekanizmi i urgjencës do të duhet të mbështetet në agjencisë kufitare të BE-së Frontex, si dhe në përforcime nga agjencitë kombëtare të zbatimit të ligjit kur të jetë e nevojshme.
Rregullat që rregullojnë lëvizjen përtej kufijve të hapur të zonës Shengen gjithashtu kishin nevojë për ripunim, tha Macron, duke shtuar se ai donte që blloku të kishte takime të rregullta politike për emigracionin, ashtu siç ka për çështjet ekonomike.
Blloku ka qenë thellësisht i ndarë për vite me radhë në përgjigjen e tij ndaj emigrimit dhe mënyrës sesi të kontrollojë kufijtë e jashtëm të përbashkët të zonës së tij Shengen.
Sa i përket ekonomisë, presidenti francez i kërkoi bllokut të rimendojë kuadrin e tij buxhetor dhe të ndryshojë rregullat e deficitit për të inkurajuar investimet pas pandemisë dhe për të nxitur rritjen ndërsa bota kërkon të dalë nga kriza e COVID-19.
Franca merr presidencën e radhës gjashtëmujore të BE-së më 1 janar.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.