“Mbi 4500 vjet të vjetër” – Laboratori që po studion viruset e gjetura nga mbetjet e kafshëve prehistorike
Një laborator shtetëror rus ka njoftuar se po fillon kërkime për viruse prehistorike duke analizuar mbetjet e kafshëve të rikuperuara nga akulli i shkrirë siberian dhe artik.
Laboratori Vektor me bazë në Siberi tha në një deklaratë të martën se qëllimi i projektit ishte të identifikonte paleoviruset dhe të kryente kërkime të përparuara në evolucionin e viruseve.
Hulumtimi në bashkëpunim me Universitetin Federal Veri-Lindor në Yakutsk filloi me analizën e indeve të nxjerra nga një kal parahistorik që besohet të jenë të paktën 4500 vjet të vjetra.
Vektor tha se mbetjet u zbuluan në vitin 2009 në Yakutia, një rajon i gjerë Siberian ku zbulohen rregullisht mbetjet e kafshëve prehistorike, përfshirë mamuthët.
Studiuesit thanë se ata do të hetonin edhe mbetjet e mamuthëve, drerëve, qenve, thëllëzave, brejtësve, lepujve dhe kafshëve të tjera parahistorike.
Vektor ka zhvilluar gjithashtu një vaksinë kundër koronavirusit, EpiVacCorona, e cila u licensua në tetor në Rusi dhe është planifikuar të fillojë prodhimin masiv më vonë këtë muaj.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.