Ndryshon renditja-Kush janë 20 smartfonët më të mirë në botë
“Bussines Insider” ka përditësuar listën e smartfonëve ku rezulton se Google Pixel ka marrë vendin e parë pas iPhone 7.
Edhe këtë muaj, vazhdohet të konsiderohet ende se Google Pixel është një telefon superior, ndërkohë që në vendin e 11-të është shtuar një telefon i ri i panjohur.
Më poshtë, lista e 20 telefonëve më të mirë në botë për vitin 2017.
Në vendin e 20 –të renditet BlackBerry Classic.
Nëse ndonjëherë keni qenë tifoz i BlackBerry në kulmin e kompanisë, ju me të vërtetë do të dëshironit një BlackBerry Classic. Ai duket i ngjashëm me modelet e vjetra të BlackBerry, por përmban një ekran të mprehtë me prekje dhe një tastierë të shkëlqyer fizike.
Në vendin e 19 –të renditet BlackBerry Priv
BlackBerry Priv është një hap i madh në tregun e telefonave BlackBerry. Në vend të sistemit operativ të saj, duhet thënë se Priv punon në android. Në pamje të parë duket si një telefon standart android, por Priv ka një tastierë me rrëshqitje. Kjo mund të jetë një pajisje e madhe për ata që duan një tastierë fizike si dhe akses në aplikacionet dhe shërbimet e Google të cilat nuk janë në dispozicion në pajisjet e tjera të BlackBerry.
Në vendin e 18 –të renditet Moto G4
Moto G4 ka dalë me tre modelet e saj në dispozicion e cila përfshin modelin Q4, modelin Q4 Plus dhe modelin G4 Play. Modeli Q4 plus vjen me skanim të gishtit, ndërsa modelet e tjera jo.
Në vendin e 17 –të renditet LG G5
Smartfoni LG G5 ka një dizajn të bukur pothuajse e gjitha metalike e cila përfundon me një kapak të lëvizshëm plastik i cili ju lejon të zëvendësoni një bateri të mbaruar me një të re. G5 ka dy kamera një standarde dhe një me lente ultra të gjerë.
Në vendin e 16 –të renditet Samsung Galaxy Note 5
Galaxy Note 5 ka një ekran të madh. Ashtu si versionet e mëparshme të Note vazhdon të këtë një ekran të madh, të gjallë dhe një laps për të mbajtur shënime. Gjithashtu duhet thënë që dizajni i ri metalik dhe ekrani janë fantastik.
Në vendin e 15 –të renditet ZTE Axon 7
Axon 7 është prodhuar nga ZTE, një telefon inteligjent i ri i panjohur në tregun e SHBA-së. Por pse ky telefon meriton një vend në këtë listë? Për shkak se ai ofron të njëjtat parametra si telefonat e tjerë android, ndoshta dhe më të mira dhe mund të krahasohet me emra të tillë si Samsung, LG apo HTC.
Në vendin e 14 –të renditet LG V20
LG V20 ka ekranin e dytë më të mirë nga të gjithë telefonët e tjerë. Është e pajisur më një kamera të mirë dhe është jashtëzakonisht i lehtë.
Në vendin e 13 –të renditet HTC 10
HTC 10 është një nga telefonët më të bukur. Versioni bazë i tij është i zhbllokuar. Pra, nuk do të keni nevojën e shpenzimit për zhbllokim dhe azhornim të programeve të tij.
Në vendin e 12 –të renditet Moto Z
Modeli bazë Z është një nga telefonat më të hollë që kemi parë ndonjëherë. Në krahasim me telefonat e tjerë Motorola, ky version ka një ekran me mbrojtje nga gërvishtjet si dhe një bateri e cila mban gjatë.
Në vendin e 11 –të renditet Huawei Mate 9
Mate Huawei 9 krenohet që ka një ekran të madh 5.9 inch dhe jetëgjatësi më të madhe të baterisë, për shkak se bateria e tij është më e madhe se mesatarja. Ai është gjithashtu një nga telefonët më të shpejtë Android të cilin ju mund ta blini në këtë moment. Por Mate Huawei nuk është i qëndrueshëm ndaj ujit siç është Samsung Galaxy S7 ose Apple iPhone7.
Në vendin e 10 –të renditet One Plus 3T
OnePlus 3T është pasardhës i telefonit të mëparshëm OnePlus. Ndryshimet kanë të bëjnë më së shumti me procesorin i cili është më i shpejtë, baterinë pak më të madhe si dhe kamerën prej 16 Megapixel.
Në vendin e 9 –të renditet Iphone SE
Iphone SE është telefoni më i mirë për telefonat me ekran 4”. Do të mund të gjeni aplikacionet më të mira që punojnë për IPhone 6S me të njëjtën performancë dhe që kushton shumë më pak. Versioni bazë vjen me lexues gishti dhe aplikacionin “live photos” si dhe me një bateri të shkëlqyer.
Në vendin e 8 –të renditet Iphone 6S
Iphone 6S është një telefon në majat e telefonave Apple dhe kushton më lirë se Iphone 7. Ky telefon garanton azhornimin më të fundit të aplikacioneve të palëve të treta në krahasim me modelet e tjera Iphone.
Në vendin e 7 –të renditet Iphone 6S Plus
Tashmë që telefoni Iphone 7 ka dalë në treg, Iphone 6S Plus e gjeni më pak të kushtueshëm, gjë që e bën një marrëveshje të mirë mes kualitetit dhe çmimit. Ndryshe nga IPhone 7 tek ky model mungojnë veçoritë si rezistenca ndaj ujit dhe dy kamerat, por ka të inkorporuara vecorinë 3D Touch, e cila detekton sesa fort ju e shtypni ekranin, dhe në varsi të shtypjes ju shfaq aplikacionin e dëshiruar.
Në vendin e 6 –të renditet Galaxy S7
Galaxy S7 është një nga telefonat me dizajn më të bukur, duke ia kaluar dhe Iphone 7-ës. Është i fuqishëm dhe rezistent ndaj ujit kështu që nuk do të shqetësoheni më nga aksidentet me ujin.
Në vendin e 5 –të renditet Galaxy S7 Edge
Galaxy S7 Edge ka një ekran të madh 5.5” si dhe një bateri të madhe në krahasim me modelet e tjera. Ka të njëjtat specifikime si Galaxy S7, por me ekran nga të dy anët të lakuar. Edhe këtë model mund ta gjeni më lirë këtë muaj.
Në vendin e 4 –të renditet iPhone 7
Pa dyshim Iphone 7 ka ekosistemin dhe aplikacionet më të mira për përdoruesit. Në rast të ndonjë problemi me ndonjë aplikacion kompania Apple ofron suportin dhe azhornimin ndaj klientëve të saj në mënyrë mjaft korrekte dhe të shpejtë.
Në vendin e 3 –të renditet iPhone 7 Plus
Iphone 7 Plus ndryshon nga Iphone 7 vetëm në saj të zotërimit të dy kamerave. Kamera e dytë arrin 2 zmadhime optike, gjë që do të thotë se mund të zmadhoni objektet pa cënuar kualitetin e fotografisë.
Në vendin e 2 –të renditet Google Pixel XL
Ky telefon ka një dizajn të hollë alumini. Kamera e saj është shumë më e mprehtë dhe bën foto të mrekullueshme krahasuar me rivalët e saj Iphone 7 dhe Samsung S7. Ajo ka një ekran 5.5” dhe ka të njëjtat funksionalitete si Google Pixel.
Në vendin e 1 –rë renditet Google Pixel
Ky telefon zë vendin e parë në klasifikimin e telefonave për vitin 2017. Ai bazohet në sistemin android Google Pixel Launcher. Parametrat e tij janë një nivel më lartë se iPhone 7 dhe Samsung S7. Ka ekran më të mirë, është më i lehtë dhe karikohet mjaft shpejt. Google Pixel bazohet në procesorin Snapdragon 821 dhe ka 4 GB Ram, si dhe një kamera fantastike prej 12.3 megapixel, që i mban pas rivalët e saj.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.