Në luftë me duhanin, Rakacolli: Do kërkojmë rishikim të ligjit për rritjen e penaliteteve
Ligji antiduhan në vendin tonë ka dhënë efektet pozitive por ka ende shumë për të bërë.
Kështu në kuadrin ligjor duhet të rishikohen edhe një herë çështjet që lidhen me penalitetet pasi ka subjekte të cilat edhe pse janë gjobitur 9 herë vijojnë të lejojnë konsumimin e duhanit në ambiente e tyre.
Sipas zëvendësministres së shëndetësisë Mira Rakacolli duhet që të punohet edhe në këtë aspekt.
Sipas të dhënave të bëra publike nga zëvendësministrja e shëndetësisë kemi një rritje të përdorimit të duhanit tek femrat me rreth 10 %.
Për vitin që lamë pas nga inspektorati shtetëror janë kryer mbi 16 mijë inspektime nga të cilat mbi 300 subjekte kanë penalizuar për shkelje të ligjit.
Ndërsa referuar akcizës së duhanit ende nuk ka të dhëna zyrtare për ndikimin që ka patur. Të dhënat e para pritet që të përpunohen në fund të shtatorit 2018.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.