“Nga Belgjika e deri te Kina”, vendet që duhet të vizitoni në 2018
Fillimi i një viti të ri po afron dhe listat me tendencat më të fundit, destinacionet e propozuara dhe gjithçka tjetër ka filluar të dalë. Për vitin 2018 destinacionet e mëposhtme janë konsideruar si vendet më të përshtatshme për t’u vizituar.
- Kili
Një copëz e gjatë e ngushtë toke e kapur në buzë të një kontinenti, Kili ka tërhequr gjithnjë vëmendje. Turistë nga e gjithë bota e vizitojnë çdo vit Kilin por zakonisht janë ata të cilët kanë vizituar shumë vende të tjera më parë. Pavarësisht kësaj, Kili është një vend i cili do t’ju lërë gojëhapur.
- Afrika e Jugut
Plazh, male, kafshë të egra dhe verë duke mos harruar kulturën e gjallë në qytetin kozmopolit Cape Toën, Afrika e Jugut ka qenë prej kohësh një nga vendet më tërheqëse në botë. Por këtë vit duket se gjendet në listat e vendeve që duhet të vizitoni për 2018.
- Portugalia
Portugalia ka dalë nga hija e gjatë që Spanja kishte hedhur duke u kthyer në qendër të vëmendjes si një qendër dinamike për artin, kulturën dhe kuzhinën. Një varg muzeumesh të dizajnuar me mjeshtëri janë hapur këto dy vitet e fundit. Nëse vendosni të vizitoni vetëm një destinacion gjatë vitit 2018, ai duhet të jetë patjetër Portugalia.
- Malta
Historia e gjatë e këtij arkipelagu mesdhetar është gjallërisht e dukshme. Tempuj prehistorik, kodra kurorë, fortifikime të shekullit të 17-të kërcejnë në bregdet dhe një varg tunelesh. Malta është një destinacion i cili nuk duhet humbur. Është e bukur, e vogël dhe plot më histori për të treguar.
- Gjeorgjia
Gjeorgjia është vendi i recetave të lashta të gatimit si dhe për verën e saj të kuqe. Disa ditë pushime në një vend si Gjeorgjia nuk duhet t’i humbisni. Jo më kot ky vend bën pjesë në listën e vendeve që duhet të vizitoni gjatë vitit 2018.
- Kina
Vendi më i populluar në botë është i madh, i bukur, me plot mister dhe aventurë. Që nga viti 2016 Kina ka hapur gjurmë të reja hekurudhore me shpejtësi të lartë, duke krijuar rrjetin më të madh HSR në tokë. Pallati perandorak i Beijing, qyteti i ndaluar është përmirësuar vitet e fundit dhe katër sallat e kufizuara më parë janë tashmë të hapura për publikun. Për 2018 është konsideruar si nga vendet të cilat ja vlejnë të vizitohen.
- Belgjika
Ky vend kompakt shumëgjuhësh, lehtësisht kombinon historinë e vjetër me të renë nga kështjellat e panumërta me harqe mesjetare në muzeume të reja arti dhe kafene. Nëse vendosni të vizitoni Brukselin, duhet ta bëni këtë me barkun bosh pasi keni mjaft gjëra për të shijuar.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.