Një vaksinë koronavirusi nuk do të jetë e gatshme deri para fundit të 2021, sipas gjigantit farmaceutik zviceran

Një vaksinë e koronavirusit me siguri nuk do të jetë e gatshme për përdorim para fundit të vitit 2021, sipas shefit ekzekutiv të gjigantit farmaceutik zviceran Roche.

Dhjetra ekipe studiuesish në të gjithë botën po garojnë për të zhvilluar një vaksinë COVID-19, në mënyrë që të frenojnë përhapjen e infeksioneve të koronavirusit, të ulin nivelin e vdekjeve dhe të lejojnë vendet të rihapin ekonomitë e tyre.

Sidoqoftë, Severin Schwan, shefi ekzekutiv i Roche, tha që ai ishte skeptik që një vaksinë mund të testohet, prodhohet dhe shpërndahet gjerësisht brenda 12-18 muajve të ardhshëm.

“Kam frikë se skenari më i mundshëm është që ne nuk do të kemi vaksinë para fundit të vitit të ardhshëm,” tha Schëan në një telefonatë konferencë të Mërkurën me gazetarët, duke shtuar se afati kohor 18-mujor është “shumë ambicioz”.

Ai tha se testet e antitrupave, në vend se një vaksinë, do të ishin thelbësore për t’i lejuar njerëzit të kthehen në jetën normale para vitit 2021.

Testet e gjakut, të cilat Roche planifikojnë të fillojnë në treg në maj, do të përcaktojnë nëse dikush ka pasur sëmundjen e COVID-19.(Business Insider)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.