Nokia ‘rrit’ kursimet – Shkurton 350 vende pune në Finlandë
Krijuesi finlandez i pajisjeve të telekomit, Nokia është duke shkurtuar 350 vende pune në Finlandë, si pjesë e planeve të saj për kursyer rreth 800 milionë dollarë deri vitin e ardhshëm.
“Ndryshimet e planifikuara janë të domosdoshme për të siguruar konkurrencën afatgjatë të Nokia-s” – tha Tommi Uitto kreu i operacioneve finlandeze të kompanisë. Aktualisht, Nokia ka rreth 6,000 punonjës në Finlandë.
Industria e rrjetit, e dominuar nga Nokia, Ericsson i Suedisë dhe Huawei i Kinës, është goditur ndër vite, si pasojë e ngadalësimit të kërkesës për rrjetet ekzistuese 4G dhe dyshimet e investitorëve në rritje se kur kontratat e reja 5G mund të fillojnë të rrisin fitimin. Nokia dhe Ericsson mund të përfitojnë nga kufizimet në pajisjet e Huawei nga SHBA dhe disa nga aleatët e saj, por deri më tani efektet nuk janë materializuar.
“Zhvillimi fillestar i biznesit tonë 5G ka qenë i fortë dhe ne do të rrisim investimet tona në këtë teknologji kritike” -tha Uitto. Nokia njoftoi për planin e saj të shkurtimit të kostove në tetor, por pa e përcaktuar ndikimin në punë.
Aksionet në kompani u ulën 0.7 për qind pas njoftimit.
Burimi:Reuters
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.