OPEC nuk kontrollon rritjen e çmimeve – “Asnjë vend nuk zëvendëson dot 7 milion fuçi në ditë të Rusisë”

OPEC nuk ka kontroll mbi ndodhitë që kanë sjellë rritjen e çmimeve botërore të naftës dhe nuk ka mjaftueshëm kapacitet botëror që të kompensojë për humbjen e ofertës ruse, sipas sekretarit të përgjithshëm të Organizatës, Mohammad Barkindo.

Nafta Brent, çmimi referencë në bursën e Londrës, u rrit në ditën e Hënë në nivelin më të lartë në 14 vite prej mbi 139 dollarë për fuçi, ndërkohë që SHBA dhe aleatët europianë po konsiderojnë ndalimin e importeve ruse të naftës, duke ndjekur sulmin rus në Ukrainë.

Rusia është një ndër vendet eksportuese të naftës më të mëdha në botë, me rreth 7 milionë fuçi në ditë dërgesa të naftës dhe karburantit.

“Ne nuk kemi kontroll mbi eventet aktuale, gjeopolitikën dhe kjo po dikton tendencën në treg.  Nuk ka kapacitet në botë që mund të zëvëndësojë 7 milionë fuçi në ditë të eksporteve. Disa prej kolegëve të mi, madje flasin për 8 milionë fuçi, kur përfshihen produktet bruto dhe likuide të tjera. Bota thjesht nuk ka kapacitet”, u shpreh Mohammad Barkindo, Sekretari i Përgjithshëm i OPEC.

SHBA, Europa dhe qeveri të tjera përjashtuan tregtimin e energjisë nga sanksionet për të parandaluar tkurrjen e tregut, po kjo ka dështuar të ndalojë rritjen e çmimeve.

Tregtaët kanë shmangur blerjen e naftës ruse, për t’u mos u përfshirë në sanksionet e mundshme në të ardhmen, apo për mos shkelur padashje sanksionet aktuale ndaj bankave, kompanive dhe individëve të Rusisë.

Kjo ndërprerje do të bëhej shumë më keq me një ndalim të menjëhershë të importegve.   Disa analistë parashikojnë se çmimet mund të shkojnë mëtej drejt qiellit, me JPMorgan që parashikon një nivel prej 185 dollarë.

OPEC qëndron i angazhuar për qëndrueshmëri në treg, sipas Barkindo dhe po vazhdon të rikthejë një pjesë të prodhimit, që u ndërpre në kulmin e Pandemisë. Sipas tij, prodhimi do të rikthehet plotësisht në nivelet e para-pandemisë në Shtator.

Ndërsa pyetej se pse OPEC nuk riktheu të gjithë prodhimin në treg në takimin e javës së kaluar, Barkindo tha për Reuters se situata në tregje ka marrë vrull që prej takimit të datës 2 Mars.  “Le të shohim se çfarë do të ndodhë në takimin e radhës”- tha ai.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.