Ora astronomike e Pragës ndalet për gjashtë muaj

Ora astronomike e shekullit të 15-të në qendër të Pragës, e cila tërheq mijëra vizitorë çdo ditë, u ndërpre në mëngjesin e 8 janarit për një periudhë gjashtëmujore për t’u riparuar, tha bashkia.

“Ora e Qytetit të Vjetër është një nga simbolet e Pragës dhe riparimi i saj … është një hap i nevojshëm dhe i përgjegjshëm”, deklaroi Jan Wolf, këshilltari i qytetit për kulturën.

Ora, e quajtur Orloj, do të çmontohet dhe do të çohet në punishte për riparime, të cilat do të zgjasin pesë ose gjashtë muaj.

Salla e Qytetit të Vjetër, ku ora është instaluar, “po kalon një rindërtim të plotë, i pari që nga Lufta e Dytë Botërore kur pjesa më e madhe e ndërtesës u shkatërrua”, tha Wolf.

Çdo orë, turmat e turistëve mblidhen para orës për të parë shifrat e dymbëdhjetë apostujve që shfaqen në dy dritare të vogla, mbi një inklinometër të sofistikuar që tregon lëvizjen e Hënës dhe të Diellit në shenjat e zodiakut.

Praga, e cili mirëpret rreth 7 milionë turistë çdo vit, mund të instalojë një ekran të madh me orën dhe apostujt, ndërsa ora është nën riparim, tha Wolf.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.