Përkeqësimi i motit – Ministria e Arsimit pezullon mësimin për datën 1 Dhjetor

Moti i keq ka sjellë pezullimin e procesit mësimor për datën 1 Dhjetor. Kështu ditën e Premte në shkollat fillore, 9 –vjeçare dhe të mesme në të gjithë vendit nuk do të bëhet mësim.

Ministria e Arsimit urdhëroi pezullimin e mësimit në datën 1 Dhjetor për shkak të situatës së shirave dhe rrezikut të përmbytjeve. “Dita e humbur e procesit mësimor do të zëvendësohet një ditë tjetër”, thuhet në njoftim.

IGJEUM dhe Emergjencat Civile kanë paralajmëruar se nga data 30 Nëntor deri në datën 4 Dhjetor do të ketë reshje të shumta shiu, të cilat mund të shkaktojnë edhe përmbytje në disa zona të vendit.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.