Projektligji/ 3 rastet kur shtetasit mund të ripajisen me pasaportë biometrike

Këshilli i Ministrave në mbledhjen e tij të fundit ka miratuar projektligjin për disa ndryshime në ligjin për pajisjen e shtetasve me pasaportë për jashtë shtetit. Më konkretisht, ndryshime janë bërë në nenin 11 të këtij ligji, për ripajsijen me pasaportë biometrike.

Kështu, në projektligj janë përcaktuar rastet se kur shtetasit do të ripajisen me pasaportë, që përfshijnë:

1. a) në rastet e përcaktuara në nenin 9, të këtij ligji;

1. b) kur pasaportës i ka mbaruar afati i vlefshmërisë;
2. c) 6 muaj përpara mbarimit të afatit të vlefshmërisë, kur udhëton apo qëndron përkohësisht në shtete që kushtëzojnë hyrjen ose qëndrimin me afatin 6-mujor (gjashtëmujor) të vlefshmërisë së pasaportës;

Ndërkohë, sa i takon procedurës për ripajisjen si dhe dokumentacionit të nevojshëm që paraqitet, ato do të përcaktohen përmes një udhëzimi të ministrit të Brendshëm. Udhëzimi duhet të nxirret brenda 30 ditëve nga hyrja në fuqi e këtij ligji.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.