Raporti i Lumturisë Botërore: Ndryshon renditja, Finlanda zë vendin e parë, Shqipëria bie në vend të 112-të

Çdo vit, Raporti i Lumturisë Botërore rendit 156 vende në nivelet e lumturisë kolektive të njerëzve që jetojnë atje. Faktorët që ndikojnë në raportin e lumturisë përfshijnë jetëgjatësinë, barazinë dhe mbështetjen sociale.

Këtë vit, raporti gjithashtu mati dhe mori parasysh mirëqenien e emigrantëve të vendit.

Për vitin 2018, Finlanda u emërua si vendi më i lumtur në botë duke e kaluar Norvegjinë, fituesen e vjetshme në vendin e dytë. Ndërkohë që vendi ynë renditet në vendin e 112-të nga vendi i 109-të që mbante në vit më parë.

Vendet nordike në veçanti, vlerësohen shumë në raport, njofton Associated Press.

Edhe këtë radhë mes 10 vendeve më të lumtura në botë bënin pjesë Danimarka, Islanda dhe Suedia.

Ndërkoha që Shtetet e Bashkuara të Amerikës, ranë nga vendi i 14-të në vendin e 18-të.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.