Renault sjell modelin e ri të elektrikes ‘Zoe’ – Shumë më e fuqishme dhe komode (FOTOT)

Ndër makinat elektrike të momentit mbretëresha e padiskutueshme dhe Renault Zoe, e cila mbulon rreth 25% të tregut dhe që tani, shtatë vjet pas lindjes së saj, është rishikuar plotësisht (për herë të dytë, pas azhurnimit të 2016) ) duke filluar para së gjithash nga përmbajtja teknike. Nëse në vitin 2012 ishte i pajisur me një motor 92 kf dhe bateria ishte 21 kWh, për një interval prej 150 kilometrash, tashmw ka një bateri 52 kWh e cila përdor një sistem 400 V që fuqizon një motor sinkron në dispozicion në dy versione: 108 CV dhe 135 CV. Autonomia ka arritur në 395 kilometra.

E gjithë kjo do të thotë, se për një makinë të vogël të qytetit si kjo, pra destinuar për përdorime mjaft të shkurtra, mbase përmes zonave të kufizuara të trafikut të qyteteve, të minimizohet ankthi i karikimit sa më shumë që të jetë e mundur. Ndër risitë e kësaj gjenerate ka edhe Mode B e cila përfshin vozitjen në pedale (ngritja e këmbës nga gazi i automjetit ngadalësohet ndjeshëm), duke rritur rikuperimin e energjisë gjatë frenimit dhe ngadalësimit.

Gjithashtu interesante është mundësia për të pasur si opsionale mënyrën e karikimit të dyfishtë, si në rrymën alternative përmes “wall box” të brendshëm (2.3 kW ose 7.4 kW) e kolonave (nga 11 ose 22 kw); ose në rrymë direkte deri në 50 kW. Në rastin e fundit, koha për një rimbushje të plotë është 70 minuta, e kundërta është 32 orë duke përdorur një fazë 3.3 kW njëfazor në shtëpi. Me kolonën trefazore 22 kW duhen 3 orë.

Çmimet? Gama fillon nga 25.900 euro për të arritur në maksimum 31.300 euro. Bateria nuk është e përfshirë, e cila mund të blihet ose merret me qira, në rastin e parë kushton 8.200 euro, në të dytën pagesa mujore është 75 euro.

Jo shumë shifra të ulëta për një makinë të vogël, por për fat të mirë incentivat janë të konsiderueshëm. Ecobonus, i cili për veturat me emetim nga 0 deri në 20 g / km CO2 çon në një zbritje të çmimit të blerjes prej 4000 euro, të cilat bëhen 6000 në rast zhvlerësimi. (Wired)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.