Rusia, armëpushim për evakuimin e civilëve. Sot, raundi i dytë i bisedimeve. Lavrov: ‘Do të gjendet një zgjidhje’!

Rusia urdhëroi sot  një armëpushim për të lejuar evakuimin e civilëve. Manovrat e fundit të Ushtrisë së Kuqe në Ukrainë ishin fokusuar në frontin lindor, i cili me siguri do të jetë në qendër të kërkesave ruse në tryezën e bisedimeve të planifikuar nga ora 13 në rajonin bjellorus të Brest.

Më pas, shpërthime të fuqishme u dëgjuan gjatë natës në Kiev dhe qytete të tjera në Ukrainë, tetë ditë pas fillimit të luftës. Sipas BBC, të paktën katër shpërthime të forta u regjistruan rreth orës 3 të mëngjesit me orën lokale në kryeqytet, por nuk është e qartë se cilat ishin objektivat apo nëse ka persona të prekur. Kështu në Kiev gjatë natës u dëgjuan sërish sirenat kundërajrore me banorët e ftuar të mbuloheshin.

Mediat lokale raportuan gjithashtu për luftime në periferi të Kievit. “Armiku po përpiqet të depërtojë”, ka shkruar orët e fundit në Telegram kryetari i bashkisë së Kievit, Vitali Klitschko. Deri më tani, rusët kanë marrë vetëm Kherson, ndër qytetet e mëdha të Ukrainës, megjithëse inteligjenca britanike vë në dyshim kontrollin e tyre real të qendrës.

Lavrov: “Do të gjendet një zgjidhje”

Ministri i Jashtëm rus, Lavrov, mbajti një konferencë shtypi që bën një pasqyrë të veprimit ushtarak të Ushtrisë së Kuqe: “Do të gjendet një zgjidhje për situatën në Ukrainë”, thotë ai, duke nënvizuar “vullnetin e mirë rus”. “Kërkesat e Moskës në negociata janë minimale, por ato duhet të merren parasysh. Ne nuk duam një luftë bërthamore”, por nëse vendet perëndimore” vendosin armë bërthamore kundër nesh, ne do të përballemi me situatën”.

Sa i përket hipotezës së një Lufte të Tretë Botërore, “mund të jetë vetëm një luftë bërthamore shkatërruese”. Shtetet e Bashkuara “po përpiqen të na imponojnë vizionin e tyre për të ardhmen e Europës”. Uashingtoni e dominon Europën ashtu si Napoleoni apo Hitleri në kohën e tyre, në analizën e ministrit të jashtëm të Moskës. Ilsole24ore

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.