Rusia lejon anijet me ushqime të largohen nga Ukraina – Moska miratoi krijimin e një korridori humanitar për anijet me ushqime

Nëse perëndimi do të lehtësonte disa nga sanksionet e vendosura ndaj Rusisë, Moska është e gatshme të lejojë dhe të mundësojë krijimin e korridoreve humanitare për daljen nga portet ukrainase në Detin e Zi të anijeve të ngarkuara me ushqime.

Rusia është e gatshme të lejojë krijimin e një korridori humanitar për anijet e ngarkuara me ushqim të cilat duan të largohen nga Ukraina, në këmbim të lehtësimit të disa prej sanksioneve perëndimore.

Portet ukrainase në Detin e zi janë bllokuar që kur Rusia dërgoi mijëra trupa ushtarake në Ukrainë në 24 shkurt dhe më shumë se 20 milion ton grurë kanë mbetur të bllokuar. Rusia dhe Ukraina përbëjnë afërsisht 1/3 e furnizimeve globale me drithëra dhe mungesa e eksportit domethënës të grurit nga portet e Ukrainës po shkakton një krizë ushqimore globale.

Ukraina është gjithashtu një eksportueset më të mëdha të misrit dhe të vajit të lulediellit. Fuqitë perëndimore prej kohësh bisedojnë për krijimin e korridoreve të sigurta për të eksportuar grurin nga portet ukrainase, por duke pranuar se një gjë e tillë kërkonte mbështetjen e Rusisë.

Ndërkohë Rusia dhe Ukraina akuzojnë njëra tjetrën për vendosjen e minave në Detin e ZI.

Presidentja e komisionit Europian Ursula Von der Lejen u shpreh se Rusia po përdorte furnizimin me  ushqim si një armë me pasoja globale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.